Умид Аҳмаджонов Ўзбекистон терма жамоасининг янги бош мураббийи ҳақидаги саволга жавоб берди

ЎФА вице-президенти билан қуръадан олдин ва кейин суҳбатлашиб фикрларини сайтимизда чоп этдик. Шу ўринда мухлисларни қизиқтираётган яна бир савол бор: бу терма жамоамиз бош мураббийи масаласи. Албатта, ўзаро суҳбат пайтида Аҳмаджоновга шу саволни ҳам бермасак бўлмасди.

Умид Маҳамаджонович терма жамоани ким бошқариши ҳақидаги саволга шундай жавоб қайтарди:  

- "Терма жамоамизга ким бош мураббий бўлиши ҳақидаги савол анчадан бери барчани қизиқтирмоқда. Мен бу ўринда мухлисларимизни жуда яхши тушуниб турибман. Лекин ишқибозлардан яна озгина сабр қилишларини сўрайман. Жаҳон чемпионати тугасин, терма жамоамизни Осиё Кубогига олиб борадиган мураббий ким бўлишини ҳамма билиб олади".

- "Ўзимиз ҳам ўша кун келишини кутяпмиз, лекин ҳозирча эълон қилишга шошилмай турамиз. Барчасини кейинроқ ОАВ ходимларини бир жойга йиғиб расман эълон қиламиз. Карлуш Кейруш варианти ҳақидами? Яширмайман, номзодлар орасида бу мураббий ҳам бор. Мен у киши билан Дубайда учрашиб гаплашганман. Фақат шуни айтишим мумкин, терма жамоамизнинг навбатдаги бош мураббийи албатта номи чиққан, машҳур мутахассис бўлади".

Х.Холиқов, Дубайдан махсус.