Уммон терма жамоасини Вербекдан сўнг бошқа бир голландиялик мураббий бошқаради

Бундан буён терма жамоани голландиялик мураббий Эрвин Куман бошқаради. Кеча ушбу мутахассис билан икки йиллик расман шартнома тузилди. Маълумки, уммонликларнинг аввалги бош мураббийи Пим Вербек Осиё Кубогидан кейин ўз фаолиятини якунлаганини маълум қилганди. 

Эрвин Куман бунга қадар Туркиянинг "Фенербаҳче" клубида ишлаб келаётганди. Унинг укаси Рональд Куман айни пайтда Голландия термаси устози ҳисобланади. Эрвин Куман ўз пайтида терма жамоаси сафида мувааффақиятли тўп тепган. У Евро-88 ғолиби ҳисобланади ҳамда ЖЧ-90да иштирок этган. 

Мураббийлик фаолиятини эса 2001 йил ПСВда бошлаган ва бу клубнинг U-21 футболчиларига устозлиқ килган. Шунингдек, Эрвин Куман "Фейеноорд"да ҳам маълум муддат ишлаган. У 2008-2010 йиллар оралиғида Венгрия терма жамоасини бошқарган. "Фенербаҳче"дан олдинги иш жойи эса "Эвертон" бўлганди.