Халқаро ташкилотлар раҳбарлари билан учрашув

Ушбу араб мамлакатида Осиё Олимпия Кенгаши (ООК)нинг Ижроия қўмитаси йиғилиши ҳамда 39-Бош Ассамблеяси бўлиб ўтди ва унда Ўзбекистон делегацияси ҳам иштирок этди. 

Биз учун аҳамиятлиси, ўтказилган бу икки тадбирда Тошкент шаҳрида расман IV ёшлар Осиё ўйинлари мезбони сифатида тасдиқланди, Марказий Осиё ММА Конфедерацияси раҳбари Отабек Умаров эса Осиё Олимпия Кенгаши вице-президенти этиб сайланди. 

Шунингдек, делегациямиз аъзолари ташриф давомида ООК президенти Шайх Аҳмад Ал Фаҳад Ал Сабаҳ, Ўмон Султонлиги валиаҳд шаҳзодаси, мамлакат спорт вазири Саййид Ди Язан бин Хайтам, Халқаро дзюдо федерацияси (IJF) президенти Мариус Визер, Халқаро ҳаваскор боксчилар ассоциацияси (AIBA) президенти Умар Кремлёв, Бутунжаҳон каратэ федерацияси (WKF) президенти Антонио Эспинос ҳамда Халқаро гимнастика федерацияси (FIG) президенти Моринари Ватанабэ, билан учрашувлар ташкил этилиб, бир қатор масалалар бўйича фикр алмашилди.