29 июн 15:23
Янгиликлар

Бокс/ММА

"Унинг башарасига жон деб урган бўлардим" - Гэтжи Макгрегор билан жанг қилишга тайёрлигини айтди

Енгил вазн тоифасининг янги чемпиони америкалик 37 ёшли Жастин Гэтжи икки вазнда собиқ UFC чемпиони ирландиялик Конор Макгрегорга қарши октагонга чиқишга тайёрлигини маълум қилди.

"Мен юзлаб марта айтганман, Конор Макгрегорнинг башарасига жон деб мушт туширган бўлардим. Мен Конорнинг Макс Холлоуэй билан жангидан ҳайратдаман. Ушбу жангни бевосита аренада томоша қилиш имконияти юзага келиши ва унинг юзига қарай олишимдан хурсанд бўламан", - дея Гэтжининг сўзларини келтиради "Sportnews" портали.

Макгрегор навбатдаги жангини ярим енгил вазн тоифасида собиқ UFC ва BMF чемпиони америкалик Макс Холлоуэйга қарши ўтказади. Ушбу жанг 12 июль куни АҚШнинг Лас-Вегас шаҳрида бўлиб ўтадиган UFC 329 турнирининг асосий воқеаси бўлади.