Универсиада-2019. Келдиёрова ғалаба билан бошлади

Бугун мусобақанинг навбатдаги кунида дзюдочиларимиз ҳам ўз маҳоратларини намойиш этишади. Ҳозиргина -52 кг вазн тоифасидаги вакиламиз ўсмирлар ўртасида жаҳон чемпиони, катталар орасида Осиё чемпиони Диёра Келдиёрова Универсиададаги иштирокини ғалаба билан бошлади. 

Диёра тўғридан-тўғри иккинчи даврадан баҳсларга киришди ва бу босқичда литвалик рақибаси Гинтаут Марсилионитни мағлубиятга учратди. Бироздан сўнг у учинчи давра беллашувида кореялик Да Сол Паркка қарши татамига чиқади. Ушбу баҳс ғолибаси чорак финалга йўл олади.