06 сен 12:13
Янгиликлар

Теннис

US Open. Андерсон - иккинчи ярим финалчи!

АҚШнинг Нью-Йорк шаҳрида ўтказилаётган “Катта Дубулға” туркумига кирувчи US Open турнири ўзининг қизғин палласига кирди.

Мусобақанинг эркаклар ўртасидаги яккалик баҳсларида чорак финал учрашувлари ўтказиляпти. Биринчилардан бўлиб испаниялик Пабло Каррено-Буста ярим финал йўлланмасини қўлга киритган эди. Ҳозиргина бу теннисчининг финал остонасидаги рақиби маълум бўлди.

Иккинчи чорак финал жуфтлигида дунёнинг 21-ракеткаси америкалик Сэм Куэрри рейтингда 32-поғонадан жой олган Жанубий Африка Республикаси вакили Кевин Андерсонга ютқазиб қўйди. Уч соату 26 дақиқа давом этган баҳсда Андерсон 7:6(5), 6:7(9), 6:3, 7:6(7) ҳисобида зафар қучди.