US Open (ATP): Чорак финалнинг барча жуфтликлари маълум

Соврин жамғармаси 24,1 миллион долларни ташкил қилувчи мусобақанинг бош мукофоти учун асосий даъвогар бўлган теннисчилар нимчорак финал учрашувини ғалаба билан якунлашди.

Жумладан, дунёнинг биринчи ракеткаси испаниялик Рафаэль Надаль нимчорак финалда украиналик Александр Долгополовни 6:2, 6:4, 6:1 ҳисобида мағлуб этди. Бугун у ярим финал чиптаси учун россиялик Андрей Рублевга қарши кортга чиқади.

Дунёнинг учинчи рақамли теннисчиси швейцариялик Рожер Федерер эса германиялик Филипп Кольшрайбердан 6:4, 6:2, 7:5 ҳисобида устун келди. Бугун Рожер чорак финалда аргентиналик Хуан-Мартин дель Потро билан тўқнаш келади.

US Open-2017. Чорак финал жуфтликлари:

Рожер Федерер (Швейцария, 3) – Хуан-Мартин дель Потро (Аргентина, 24)

Пабло Карреньо-Буста (Испания, 12) – Диего Шварцман (Аргентина, 29)

Рафаэль Надаль (Испания, 1) – Андрей Рублев (Россия)

Сэм Куэрри (АҚШ, 17) – Кевин Андерсон (ЖАР, 28)