US Open. Еттинчи ракетканинг юришини япон теннисчиси тўхтатди

Эркаклар ўртасидаги мусобақанинг яккалик баҳсларида ярим финалчилар маълум бўлмоқда. Дунёнинг еттинчи ракеткаси хорватиялик Марин Чилич 4 соату 8 дақиқа давом этган чорак финал учрашувида япониялик Кеи Нишикорига 6:2, 4:6, 6:7(5), 6:4, 4:6 ҳисобида ютқазиб қўйди. 

Баҳс давомидаги 19та эйс зарбаси ҳам 29 ёшли Чиличга дунё рейтингида 19-ўринни эгаллаб турган 28 ёшли Нишикорини мағлуб этиш учун камлик қилди. Ўзаро учрашувлардаги умумий ҳисоб Кеи фойдасига бўлиб турибди - 8:6.