30 авг 11:10
Янгиликлар

Теннис

US Open: Федерер ва Надаль ғалаба билан бошлашди

АҚШнинг Нью-Йорк шаҳрида теннис бўйича “Катта Дубулға” туркумига кирувчи US Open турнирининг эркаклар ўртасидаги баҳсларида иккинчи давра иштирокчилари маълум бўлди.

Соврин жамғармаси 24,1 миллион долларни ташкил қилувчи АҚШ Очиқ чемпионати ғолиблиги учун асосий даъвогарлардан швейцариялик Рожер Федерер ҳамда испаниялик Рафаэль Надаль илк давра учрашувида зафар қучишди.

Сайёрамизнинг биринчи ракеткаси ҳисобланган Надаль илк учрашувини сербиялик Душан Лайовичга қарши ўтказиб, 7:6 (6), 6:2, 6:2 ҳисобида зафар қучди. Рожер Федерер эса америкалик Фрэнсис Тиафодан 4:6, 6:2, 6:1, 1:6, 6:4 ҳисобида устун келди.