07 сен 09:52
Янгиликлар
Теннис
US Open. Федерерни ютган Дель Потро сўнгги ярим финалчига айланди
АҚШнинг Нью-Йорк шаҳрида ўтказилаётган “Катта Дубулға” туркумига кирувчи US Open турнири ўзининг ҳал қилувчи палласига кирди.
Мусобақанинг эркаклар ўртасидаги яккалик баҳсларида сўнгги чорак финал учрашуви ўтказилди. Бироз кутилмаганда дунёнинг учинчи ракеткаси швейцариялик Рожер Федерер аргентиналик Хуан Мартин Дель Потрога ютқазиб қўйди.
2 соату 54 дақиқа давом этган баҳсда дунё рейтингида 28-ўринни эгаллаб турган Дель Потро номдор рақибини 7:5, 3:6, 7:6(10:8), 6:4 ҳисобида таслим этди.
Энди аргентиналик теннисчи ярим финалда дунёнинг биринчи ракеткаси испаниялик Рафаэль Надалга қарши кортга чиқади. Иккинчи ярим финалда испаниялик Пабло Каррено-Буста ва Жанубий Африка Республикаси вакили Кевин Андерсон ўзаро тўқнаш келишади.
Ҳавола :
Фикрлар