06 сен 10:20
Янгиликлар

Теннис

US Open. Жокович ортиқча қийинчиликсиз 1/2 финалга йўл олди

Хабар берганимиздек, шу кунларда АҚШнинг Нью-Йорк шаҳрида теннис бўйича US Open турнири давом этмоқда.

"Катта Дубулға" туркумига кирувчи мусобақаларнинг сўнггиси ҳисобланган АҚШ Очиқ чемпионатида ярим финал иштирокчилари маълум бўлди. Дунёнинг собиқ биринчи ракеткаси Новак Жокович ортиқча қийинчиликсиз ярим финал йўлланмасини қўлга киритди.

Сербиялик теннис юлдузи бундан бир неча дақиқа аввал якунланган чорак финал учрашувида австралиялик Жон Милманни мағлуб этди. Икки соату 52 дақиқа давом этган баҳсда дунё рейтингида 6-ўринни эгаллаб турган Новак 6:3, 6:4, 6:4 ҳисобида зафар қучди. Энди Жокович финал чиптаси учун япониялик Кеи Нишикорига қарши кортга чиқади.