03 сен 13:35
Янгиликлар

Теннис

US Open. Надаль ва Федерернинг юриши давом этади

АҚШнинг Нью-Йорк шаҳрида давом этаётган "Катта Дубулға" туркумига кирувчи US Open турнири ўзининг қизғин палласига кириб боряпти.

Эркаклар ўртасидаги баҳсларда нимчорак финал иштирокчилари маълум бўлди. Дунёнинг биринчи ракеткаси испаниялик Рафаэль Надаль учинчи даврада аргентиналик Леонардо Майерни 6:7(3), 6:3, 6:4, 6:1 ҳисобида мағлуб этди. Энди унинг нимчорак финалдаги рақиби украиналик Александр Долгополов бўлади.

Ғолиблик учун яна бир даъвогар швейцариялик Рожер Федерер эса бу босқичда испаниялик Фелисиано Лопесдан 6:3, 6:3, 7:5 ҳисобида устун келди. Дунёнинг учинчи ракеткаси чорак финал чиптаси учун кечадиган учрашувда германиялик Филипп Кольшрайберга қарши кортга чиқади.