Усик Украина футболида муҳим лавозимга тайинланди

Супероғир вазн тоифасида жаҳон чемпиони Александр Усик янги лавозимга тайинланди - у "Полесье" футбол клубининг биринчи вице-президенти бўлди. Клуб президенти Геннадий Буткевич ва Усик расман келишувни расмийлаштирди, унга кўра боксчи ўйинчи мақомидан жамоа бошқарувига ўтади. 

Усикнинг ўзи янги лавозимда клубни ривожлантиришда иштирок этишни ва унинг ривожланишига ёрдам беришни режалаштираётганини таъкидлади. У бунгача ҳам "Полесье" таркибида ўртоқлик ўйинларида майдонга тушган, бироқ расмий ўйинларда иштирок этмаган.

Маълумот учун, Житомир шаҳри шарафини ҳимоя қилувчи "Полесье" клуби Украина чемпионатида учинчи ўринда бормоқда. Жамоа пешқадам "ЛНЗ" клубидан беш очко ортда қолмоқда.