Усман Нурмагомедов: "Мен дунёдаги энг кучли енгил вазнли жангчиман"

Гарчи Усман ҳали энг кучли (топ) енгил вазнли рақиблар билан тўқнаш келмаган бўлса-да, у айни дамда дунёдаги энг яхши жангчи эканлигига шубҳа қилмаяпти.

"Мен жанг қилишни, ғалаба қозонишни, барча камарларни қўлга киритишни ва соғлиғим имкон берганича уларни ҳимоя қилишни режалаштиряпман. Ҳозирги вақтда ўсиш учун салоҳиятим борлигини кўряпман, ҳар доим устида ишлаш керак бўлган нарсалар бор, барча кўникмаларимни ривожлантиришим ва кучайтиришим мумкин. Аммо дунёдаги бошқа енгил вазнли жангчиларни оладиган бўлсак, мен айни дамда энг кучлиси эканлигимга ишонаман. Одамлар бошқача фикрда бўлиши мумкин, лекин улар менинг ўзим ҳақимдаги фикримни ўзгартира олмайди. Вақти келади – ҳаммасини кўрсатамиз, ҳозирча эса газни босамиз!", – деди Нурмагомедов "Red Corner MMA"га берган интервьюсида.

Нью-Йоркда бўлиб ўтган PFL турнирининг марказий жанги бўладиган ушбу чемпионлик баҳси 28 ёшли Усман Нурмагомедов учун ташкилот билан тузилган амалдаги шартнома бўйича охиргиси бўлди. У катта эҳтимол билан энди UFC`га ўтади.