Усман Нурмагомедов UFC баннерлари фонида сирли пост қолдирди + ФОТО

Бу эса унинг дунёнинг энг кучли лигасига ўтиши мумкинлиги ҳақидаги миш-мишларни янада кучайтирди.

"Юқори даражада иқтидор аллақачон ҳал қилувчи омил эмас. Ким курашда узоқроқ қола олса, ўша ғолиб бўлади", — деб ёзди Нурмагомедов сурат остида.

Усман — 22-0 рекорди билан PFL енгил вазн тоифасининг амалдаги чемпиони ҳисобланади. Июль ойида у PFL New York турнирида Арчи Колганни биринчи раунддаёқ нокаутга учратиб, чемпионлик камарини ҳимоя қилган эди, шундан сўнг у эркин агентга айланди. UFC президенти Дана Уайт ташкилот жангчини ўз сафига қўшиб олишдан манфаатдор эканини аллақачон тасдиқлаган.

Усманнинг менежери Али Абдел-Азиз аввалроқ UFC`даги дебют учун рақиб сифатида Илия Топурияни тилга олган эди, мураббий Хавьер Мендес эса Топурия ва Арман Царукянни энг қийин рақиблар деб ҳисоблаганди. UFC чемпиони Ислам Махачев ҳам Усманни UFC`га ўтиб, ўзини энг кучли лигада синаб кўришга чақирган.