16 авг 20:24
Янгиликлар

Бокс/ММА

"Вазни 102 кг". Дана Уайт Хабибнинг UFC`га қайтиши эҳтимоли ҳақида

UFC промоутерлик компанияси президенти Дана Уайт Ислам Махачевнинг Йен Гэррини мағлуб этганидан сўнг, Хабиб Нурмагомедовнинг қайтиши мумкинлиги ҳақидаги саволга жавоб берди.

— Умуман олганда, Хабиб Исламнинг бурчагида эди. Ҳатто унинг қўлқоп кияётгани акс этган кадрлар ҳам бор. Балки у билан яна бир бор охирги жанг ҳақида гаплашиб кўриш керакдир?

— Бу қачондир содир бўлади деб ўйламайман. Ҳатто бу ҳақда гапиришнинг ҳам кераги йўқ. Эшит, у фаолиятини якунламоқчи бўлганида, мен уни шунчаки безовта қилардим, буни тасаввур ҳам қила олмайсан. Тушуняпсанми? Ҳозир ҳам уни қайтариб бўлади деб ўйламайман. Қолаверса, унинг вазни ҳозир 225 фунтга (тахминан 102 кг) яқин. Унинг ҳозирги ҳаёти яхши. Шундай экан, Хабиб яна жанг қилади деб ўйламайман", — деди Уайт турнирдан кейинги матбуот анжуманида.