22 янв 19:47
Янгиликлар

Бокс/ММА

Вьетнамда ташкил этилган профессионал бокс оқшомида уч нафар ҳамюртимиз ғалабага эришди

Вьетнамнинг Ҳошимин шаҳрида профессионал бокс кечаси ташкил қилинди.

Унда 3 нафар бокчимиз - Абдурасул Исмоилов, Равшанбек Шерматов ва Ҳусниддин Пўлатовлар рингга кўтарилди.

Енгил вазн тоифасидаги юртдошимиз Равшанбек Шерматов индонезиялик Вальдо Сабуга қарши 6 раундлик жанг ўтказди ва очколар ҳисобига кўра ғалаба қозонди.

Ўрта енгил вазн тоифасида рингга кўтарилган Абдурасул Исмоилов филиппинлик Жамие Барселона билан жанг қилди ва 7-раундда ғалабага эришди.

Кечанинг марказий жанги Ҳусниддин Пўлатов иштирокида бўлди. Унда Ҳусниддин WBА АSIA камарини ҳимоя қилди. У филиппинлик Родел Венчеслаога қарши 12 раундлик жанг ўтказди ва якунда очколар ҳисобига ғалаба қозонди. Шу тариқа, у ўз камарини сақлаб қолди.