25 мар 12:16
Янгиликлар

Футбол

Винисиус "Реал"да қоладими?

"Реал" клуби президенти Флорентино Перес жамоа юлдузи Винисиус Жуниор билан шартномани узайтириш масаласини ўз назоратига олди.

Инсайдер Фабрицио Романонинг хабар беришича, Перес бир неча ойдан бери бразилиялик вингер билан келишувни янгилаш устида шахсан ишламоқда. Президент Винисиуснинг имкон қадар тезроқ янги шартномага қўл қўйишини истамоқда, бироқ якуний қарор футболчининг ўзида қолади.

25 ёшли футболчининг амалдаги шартномаси 2027 йилнинг ёзига қадар мўлжалланган. Жорий мавсумда Винисиус "қаймоқранглилар" сафида барча турнирларда 43 та ўйинда майдонга тушиб, 17 та гол урди ва 13 та голли узатмани амалга оширди.

Кўрамиз, Перес ўз ниятига етиб, бразилиялик юлдузни "Сантьяго Бернабеу"да олиб қола билармикан?