05 ноя 08:53
Янгиликлар

Бокс/ММА

Владимир Кличко рингга қайтиши мумкинлигига шаъма қилди

Профессионал бокснинг супероғир вазн тоифасида собиқ жаҳон чемпиони Владимир Кличко фаолиятини қайта тиклаш истаги борлигини маълум қилди.

Украиналик бокс афсонаси Fox Sports нашрига берган интервьюсида бу ҳолат рўй бериш эҳтимоли борлигини айтган.

“Бу кутилмаган қарор ҳамда воқейлик бўларди. Мен ҳозирги жисмоний ҳолатимда ҳам 12 раунд бемалол жанг ўтказа оламан. Лекин ана шу ҳолатимни қанчалик узоқ сақлай оламан, буни билмайман. Супероғир вазн тоифасида энг ёши катта жаҳон чемпиони сифатида афсонавий Жорж Форманнинг рекордини янгилашни холайман”, - деди Кличко.

Эслатиб ўтамиз, Жорж Форман 1994 йилнинг ноябрь ойида 45 ёшу 9 ойлик ҳолатида супероғир вазнда жаҳон чемпиони бўлган эди. Владимир Кличко эса келаси йилнинг март ойида 43 ёшга тўлади.