01 июл 09:47
Янгиликлар

Теннис

Возняцки Истбурнда бош мукофот соҳибасига айланди

Истбурн шаҳрида ўтказилган хотин-қиз теннисчилар ўртасидаги ушбу ҳафтага белгиланган нуфузли турнир ўз якунига етди.

Мусобақанинг яккалик баҳслари ҳал қилувчи финал учрашувида даниялик Каролин Возняцки бош мукофотни қўлга киритди. Дунёнинг иккинчи ракеткаси финалда беларуслик Арина Соболенкони мағлуб этди.

Бир соату 57 дақиқа давом этган финал баҳсида 27 ёшли Каролин WTA рейтингида 45-ўринни эгаллаб турган 20 яшар Аринани 7:5, 7:6(5) ҳисобида мағлубиятга учратди. Ушбу ғалаба Возняцкига 158 770 евро мукофот пули ҳамда 470 рейтинг очкосини олиб келди.