25 сен 09:36
Янгиликлар

Теннис

Возняцки - Токиодаги турнир ғолибаси!

Япония пойтахти Токио шаҳрида теннис бўйича нуфузли турнир якунланди.

Мусобақанинг ҳал қилувчи финал учрашувида дунёнинг олтинчи ракеткаси даниялик Каролин Возняцки сайёрамизнинг 23-рақамли теннисчиси бўлиб турган россиялик Анастасия Павлюченковага қарши кортга чиқди. Бир соату 13 дақиқа давом этган баҳсда Каролин 6:0, 7:5 ҳисобида ғалаба қозонди.

Ушбу муваффақиятли иштирок Возняцкига 194,860 доллар мукофот пули ҳамда 470 рейтинг очкосини тақдим этди. Бу билан у ўз титулини ҳам ҳимоя қилди. Ўтган йилги турнирда ҳам айнан даниялик теннисчи бош мукофотни қўлга киритганди.