«Вызов»лар ва «ответ»лар. Ўзбекистон ММА жамоасига Қирғизистондан чорлов бўлди

Инстаграм ижтимоий тармоғида ММАчимиз Шоҳасан Мирзаматовни қирғизистонлик Эдил Эмилбеков жангга чорлади.

«Шоҳасан, ҳурматга лойиқсан, кел ўртача 20 000 доллар топамиз. Ғолиб ҳаммасини олади. Ушбу пулни тикишда менга ёрдам берадиган акам бор. Кўринишидан сенда ҳам Маҳмуд Мурадов бор. Мен Максим Сорока ёки қария бразилиялик эмасман. Fight Matrix рейингида 103 ўриндаман, сен эса 638. Биз жангчилармиз ва шон-шараф учун курашамиз. Ким ғолиб бўлишидан қатъи назар иккимиз ҳам олқишга лойиқ бўламиз», - дея Мирзаматовни жангга чорлади.

Эмилбековнинг постига UFC'чимиз Маҳмуд Мурадов жавоб йўллади:

«Ассалому алайкум! Мен ушбу жангни Мурадов Профессионал леагуэда ташкил этишга тайёрман ва нархни келишиб оламиз деб ўйлайман. Агар сиз бизнинг лигамизда Шоҳасан Мирзаматов билан жанг қилишга тайёр бўлсангиз ва ҳамма нарсани Инсатграмда эмас, балки расмий равишда бажариш учун имзо қўйинг.   Шоҳасан лигамизнинг жангчиси ва биз ҳар доим ҳамма жойда ва нима бўлишидан қатъий назар жангчиларимизни ҳимоя қиламиз!»- деб ёзди Мурадов.

Шундан сўнг қирғизистоннинг «Мara Team Menejment» (МТМ) жамоаси  ”Маҳмуд Мурадов ажойиб, мен бошқа вариантни таклиф этаман: MLT ва МТМ жамоси 5 га 5 жанг қилсин. Халқлар дўст бўлаверсин”, - дея таклиф берди. 

Маҳмуд эса бу таклифга ижобий жавоб қайтарди:

«Ҳар қандай жангчига лигамизда жанг қилиш имкониятини беришимиз мумкин. Ва биз ушбу 5/5 вариантни  ҳам кўриб чиқишимиз мумкин».