12 апр 10:18
Янгиликлар

Бокс/ММА

WBA Жошуани Поветкин билан музокара бошлашган чақирди

Бутунжаҳон бокс ассоциацияси (WBA) WBA, IBF ва WBO йўналишлари чемпиони Энтони Жошуа ҳамда унинг жамоасини расмий даъвогар россиялик Александр Поветкин билан тезроқ музокара бошлашга ундади.

Бу маълумот WBA расмий сайтида ҳам чоп этилди. Энди Жошуанинг промоутерлари россиялик боксчининг жамоаси билан музокараларни бошлайди.

“Поветкин Кристиан Хаммерни мағлубиятга учратиб, Жошуанинг чемпионлик камарига расмий ва шу билан бирга мажбурий даъвогарга ҳам айланди.

Мавжуд қоидаларга кўра Энтони энди WBA чемпионлик камарини ҳимоя қилиши шарт. Жошуа жамоаси ихтиёрида 30 кун муҳлат бор. Агар шу муддат ичида улар келиша олмаса, биз жангга эгалик ҳуқуқи юзасидан очиқ аукцион эълон қилишга мажбур бўламиз”, — дейилади ташкилот расмий баёнотида.