03 апр 08:40
Янгиликлар

Бокс/ММА

WBO Ковалёв - Энтони Ярд жангига эгалик ҳуқуқи бўйича аукцион ўтказади

Бутунжаҳон бокс ташкилоти (WBO) промоутерлар ўртасида очиқ аукцион, яъни кимошди савдосини эълон қилди.

Ушбу аукционда ғолиб бўлган промоутер ярим оғир вазн тоифасида WBO йўналиши чемпиони Сергей Ковалёв ҳамда расмий даъвогар Энтони Ярд ўртасидаги жангни ўтказиш, ташкил қилиш ҳуқуқини қўлга киритади.

WBO мурожаатида айтилишича, аукцион 8 апрель куни ташкилотнинг Пуэрто-Рикода жойлашган штаб-квартирасида ўтказилади. Промоутерлар томонидан таклиф этиладиган энг кам сумма 300 000 АҚШ доллари миқдорида бўлиши шарт.

WBO қоидаларига кўра, жанг Россия ёки АҚШ (Сергей Ковалёвнинг ватани ёки ҳозир яшаётган шаҳри) ҳудудида ўтказилса, умумий мукофот пули Ковалёв фойдасига - 75/25 фоиз кўринишида бўлади. Агар аукционда ғолиб чиққан промоутер жангни бошқа исталган мамлакатда ўтказиш истагини билдирса, у ҳолд боксчиларнинг улуши 80/20 кўринишида бўлади.