WBSS иккинчи мавсумига 20 июль куни қуръа ташланади

Ушбу маросим 20 июль куни Москва шаҳридаги “Россия” театрида бўлиб ўтади. Янги мавсум турнири икки вазн тоифасида ташкил этилади. Қолган вазн ҳамда турнир иштирокчилари кейинроқ эълон қилинади. 

Ҳозирги кунда турнирнинг биринчи ярим ўрта вазн тоифасида олти нафар иштирокчининг номи маълум. Шу вазн тоифасида WBA чемпиони Кирилл Релих даъвогар россиялик Эдуард Трояновский билан тўқнаш келади. Иккинчи чорак финал жангида Иван Баранчик ва Энтони Йигит вакант бўлиб қолган IBF камари учун жанг ўтказишади. 

WBC Silver чемпионлик камари соҳиби Жош Тейлор 14 июль куни бўлиб ўтадиган вақтинчалик WBC чемпиони Режис Прогрейс ҳамда аргентиналик Хуан Хосе Веласко ўтасидаги жанг ғолибига қарши рингга кўтарилади.

Енгил вазн тоифасида эса етти нафар иштирокчининг номи маълум бўлиб улгурган. IBF чемпиони Эммануэль Родригес расмий даъвогар Жейсон Молоуни билан учрашади. 

Шунингдек, ушбу вазнда WBA (Super) чемпиони Райан Барнетт, WBO чемпионлик камари соҳиби Золани Тете, WBA (Regular) чемпиони Наоя Иноуэ, собиқ жаҳон чемпионлари Нонито Донэр ва Хуан Карлос Пайянолар ҳам ўз иштирокларини тасдиқлашган.