World Boxing йилнинг энг яхшиларини аниқлади. Унда икки ҳамюртимизнинг номзоди бор эди

Овоз бериш якунларига кўра, қозоғистонлик боксчи Махмуд Сабирхан эркаклар ўртасида "йилнинг энг яхши боксчиси" номинациясида ғолиб бўлди.

Мазкур номинациянинг аёллар ўртасидаги ғолиблиги ҳам қозоғистонлик боксчига насиб этди — Наталья Богданова World Boxing шафелигидаги турнирларда энг яхши аёл боксчи сифатида эътироф этилди.

Овоз бериш жараёни Instagram платформасидаги мухлислар томонидан ўтказилди. Ҳар бир лайк битта овозга тенг эди. Эркаклар ўртасидаги беш номзод орасида икки ўзбекистонлик чарм қўлқоп усталари — Жавоҳир Умматалиев ва Фазлиддин Эркинбоев ҳам бор эди.