15 дек 11:10
Янгиликлар

Теннис

WTA 2016 йилги мавсумнинг энг яхши турнирларини аниқлади

Халқаро хотин-қиз теннисчилар ассоциацияси, яъни WTA ҳар йили анъанавий тарзда йилнинг энг яхши турнирларини аниқлаб келмоқда.

Эътиборлиси, йилнинг энг яхши турнирларини теннисчиларнинг ўзлари аниқлашади. Premier 5 тоифасига кирувчи турнирлар орасидан Римдаги Internazionali BNL d’Italia турнири 2016 йилги мавсумнинг энг яхшиси деб топилди. Унда Серена Уильямс ғалаба қозонганди.

Premier тоифасидаги турнирларда эса катта фарқ билан Штутгарт шаҳрида ташкил этилган Porsche Tennis Grand Prix турнири ғолиб бўлди. Германиядаги мазкур турнир дунёнинг биринчи ракеткаси, мезбон теннисчи Анжелик Кербернинг ғалабаси билан якунланганди.

Premier Mandatory категориясига кирувчи турнирлар орасида BNP Paribas Open энг яхшиси бўлди. АҚШнинг Индиан-Уэллс шаҳрида ўтган бу йилги турнирда беларуслик Виктория Азаренко бош мукофот соҳибасига айланганди.

International (Америка) тоифасидаги турнирларда Мексиканинг Акапулько шаҳрида бўлиб ўтган Abierto Mexicano энг яхшиси деб топилди. Америкалик Слоан Стивенс ушбу турнир ғолибасига айланганди.

International (Европа) турнирлари орасида Швециянинг Бостад шаҳрида ташкил этилган Ericsson Open теннисчилар эътирофига сазовор бўлди. Турнир бош мукофоти Лаура Зигемундга насиб этган.

Осиё-Океания минтақасида эса теннисчилар ASB Classic турнирига овоз беришди. Янги Зеландиянинг Окленд шаҳрида ўтган турнир америкалик Слоан Стивенснинг ғалабаси билан якун топганди.

Ҳавола :

Рейтинг:

09:06

WTT Youth Сontender турнирининг сўнгги куни яна 5 та медаль қўлга киритилди + ФОТОРЕПОРТАЖ 0

11:56

Халқаро стол тенниси федерацияси президенти Ўзбекистонда! (ФОТОГАЛЕРЕЯ) 0

12:01

Бугун стол теннисчиларимиз жаҳон чемпионатидаги иштирокларини бошлашади 0

Фикрлар

< сўнгги янгиликларни кўриш

15 дек 11:10 Янгиликлар

WTA 2016 йилги мавсумнинг энг яхши турнирларини аниқлади

Ўхшаш янгиликлар

15 дек 11:10
Янгиликлар