05 ноя 10:27
Янгиликлар

Теннис

WTA Finals. Пегула АҚШ дербисида Гоффга учта гейм берди

Мексиканинг Канкун шаҳрида теннис бўйича аёллар ўртасидаги Якуний WTA турнири бўлиб ўтмоқда.

Дунёнинг бешинчи ракеткаси Жессика Пегула гуруҳ босқичининг сўнгги ўйинида WTA рейтингида ўзидан икки поғона юқорида бораётган ватандоши Кори Гоффни ортиқча қийинчиликсиз мағлубиятга учратди - 6/2, 6/1. Жессика ўзаро учрашувлардаги ҳисобда олдинда бормоқда - 3:1.

Олтмиш тўрт дақиқа давом этган баҳсда иккала теннисчи ҳам 1 тадан эйс зарбасини амалга оширди. Қўшхатолар Гоффда кўпроқ бўлди - 4 га 1. Пегула 6, Кори эса 1 та брейкка эга чиққан. Жессика Пегула ушбу ғалабаси эвазига плей-оффга йўл олди.