WTA рейтинги. Якуний турнир чемпиони Топ-5`да, қизларимизда аҳвол чатоқ - икки нафари рейтингни тарк этди

Янгиланган рейтингдаги теннис маликаларимиз сони 5 нафарни ташкил этмоқда. Сабрина Олимжонова ва Дарья Шубина WTA рейтингини тарк этди. Биргина учинчи ракеткамиз Милан Масленкова ўтган ҳафтадаги ўрнини сақлаб қолди. Қолган теннисчиларимиз рейтингда пастлашди. Ўзбекистон фуқаролигини қабул қилган Мария Тимофеева 1 поғона пастлаб, роппа-роса 150-ўринни эгаллаб турибди. Унинг ҳисобида 486 очко бор. Ўтган ҳафта у 513 WTA рейтинг очкосига эга эди. Иккинчи ракеткамиз Влада Якшибарова ҳам 27 ўринга пастлади. Нигина Абдураимова 6, Диана Яковлева 5 ўрин қуйига шўнғиди. 

Дунё теннисчилар Топ-10`талигида битта ўзгариш кузатилмади. WTA Finals чемпиони қозоғистонлик Елена Рибакина 6-поғонадан 5-ўринга кўтарилди. Қолган теннис маликалари ўтган ҳафтадаги ўз ўринларини сақлаб қолишди. Рейтингида ҳамон беларуслик Арина Соболенко пешқадамлик қилмоқда. У WTA Finals бош соврини учун кечган финал учрашувида Рибакинага ютқазиб қўйганди. Иккинчи ўриндан польшалик Ига Свёнтек жой олган. Кучли учликка америкалик Коко Гофф якун ясаган. 

WTA рейтинги. 10 ноябрь кунги ҳолат:

1. (1) Арина Соболенко (Беларусь) - 10 870 очко

2. (2) Ига Швёнтек (Польша) - 8395

3. (3) Коко Гофф (АҚШ) - 6763

4. (4) Аманда Анисимова (АҚШ) - 6287

5. (6) Елена Рибакина (Қозоғистон) - 5850

6. (5) Жессика Пегула (АҚШ) - 5583

7. (7) Мэдисон Киз (АҚШ) - 4335

8. (8) Жасмин Паолини (Италия) - 4325

9. (9) Мирра Андреева (Россия) - 4319

10. (10) Екатерина Александрова (Россия) - 3375...

Ўзбекистонлик теннисчиларнинг WTA рейтингидаги ўрни:

150 (149). Мария Тимофеева – 486

1061 (1034). Влада Якшибарова – 16  

1184 (1184). Милана Масленкова – 11 

1321 (1315). Нигина Абдураимова – 7  

1469 (1464). Диана Яковлева – 3