28 янв 15:30
Янгиликлар

Бокс/ММА

"Хабиб аниқ Фергюсонни мағлуб этади"

UFC жангчиси Кевин Ли Хабиб Нурмагомедов ва Тони Фергюсон ўртасидаги эҳтимолий жанг ҳақида гапирди.

"Нима учун Дастин Порьени енгил вазнда соврин учун даъвогарлар қаторида кўрсатилаётганини тушунмаяпман. У рейтинги юқори спортчиларни мағлуб эта олади, лекин уни даъвогарлар қаторида кўрмаяпман.

Шунингдек, Хабибни мағлуб эта олишига ҳам кўзим етмаяпти. Дастин бугунги Тони Фергюсонни мағлуб эта олади. Тони сўнгги жангида ўзига ўхшамади.

Ўйлайманки, Хабиб у билан жангда муаммоларга дуч келмайди. Муддатидан олдин ғалаба ҳақида нимадир дея олмайман, аммо Хабиб аниқ Фергюсонни мағлуб эта олади.

Хабибнинг келаси жанги спорт тамойиллари бўйича олиб қарайдиган бўлсак, Тони Фергюсонга қарши ўтказилиши лозим", - деди Ли.