16 авг 21:20
Янгиликлар

Бокс/ММА

Хабиб Дана Уайтнинг 102 кг вазнга эга экани ҳақидаги баёнотига жавоб қайтарди

UFC`нинг енгил вазнидаги собиқ чемпиони Хабиб Нурмагомедов ташкилот президенти Дана Уайтнинг у вазн йиққани сабабли октагонга қайтмаслиги ҳақидаги гапига муносабат билдирди.

"У тахминан 225 фунт (102 кг) вазнга эга, табиийки, энди жанг қилмайди", — деди Уайт матбуот анжуманида.

UFC президентининг сўзларига жавобан Хабиб шундай деб ёзди:

"Менинг вазним 205 фунт (тахминан 93 кг), Дана", — дея хабар қилди Нурмагомедов ўзининг ижтимоий тармоқлардаги саҳифасида.

Хабиб Нурмагомедов ҳозирда 37 ёшда. Россиялик спортчи UFC`даги дебютини 2012 йилда ўтказган, 2018 йилда ташкилотнинг енгил вазн тоифасида (70 кг гача) чемпиони бўлган, шундан сўнг уч марта чемпионлик камарини ҳимоя қилган. 2020 йилда фаолиятини якунлаган. У дунёнинг энг нуфузли ташкилотида жами 13 та ғалабага эришган ва бирор марта ҳам мағлубиятга учрамаган.