03 июн 10:47
Янгиликлар

Бокс/ММА

Хабиб Макгрегорга сабоқ бермоқчи, лекин аввал Сент-Пьер билан жанг ўтказади

Аралаш қоидалар бўйича енгил вазнда UFC чемпиони Хабиб Нурмагомедов икки вазн тоифасида собиқ жаҳон чемпиони Конор Макгрегорга автобусга ҳужум қилгани учун октагонда сабоқ бериб қўймоқчи.

Лекин россиялик спортчи унда аввал икки вазнда яна бир собиқ жаҳон чемпиони Жорж Сент-Пьер билан жанг ўтказишни мақсад қилган. Бу маълумотни Хабибнинг менежери Али Абдулазиз ҳам тасдиқлади.

“Биз кейинги жангни енгил вазн тоифасида айнан Сент-Пьерга қарши ўтказиш керак деб ўйлаймиз. Хабиб тарих яратиш учун жанг қилмоқчи. Икки йилдан бери жанг ўтказмаётган Конор эса бунга лойиқ эмас.

У аввал чемпионлик камари учун босиб ўтилиши керак бўлган йўлдан ўтсин. Кейин биз унга чемпионлик жангини берамиз. Нурмагомедов Макгрегорга ўхшаб пул учун жанг қилмайди. Шунчаки, у автобусга ҳужум қилгани учун Конорга сабоқ бериб қўймоқчи бўляпти”, - деди Абдулазиз.