Хабиб қачон ва кимга қарши жанг қилиши ҳақида гапирди

"Биз бу борада иш олиб боряпмиз. Жангим 80 фоиз эҳтимол билан 7 сентябрь куни бўлиб ўтади. Айни пайтда бу тасдиқланмаган, музокаралар олиб борилмоқда. Асосийси - 14 апрелгача кутиш. Ўша куни вақтинчалик чемпион номини билиб оламиз ва шунга қараб иш кўрамиз. 

Тахминий сана - 7 сентябрь. Холлоуэй - Порье жанги ғолиби билан учрашаман.

Кейинги рақибим Фергюсон ёки МакГрегор бўлиши мумкин? UFC ўз позициясини ўзгартиради деб бўлмайди. Мен уларнинг гапларини айтяпман", - деди Нурмагомедов. 

Маълумот учун, Холлоуэй - Порье жанги 14 апрель куни Атлантада UFC 236 турнири доирасида бўлиб ўтади.