31 янв 16:25
Янгиликлар
Теннис
Хабибулина 58 дақиқа давом этган баҳсда мағлуб бўлди
Қозоғисоннинг Алмати шаҳрида теннис бўйича “Фьючерс” туркумига кирувчи турнирнинг асосий тўр баҳслари давом этмоқда.
Соврин жамғармаси 15 000 АҚШ долларини ташкил қилувчи мусобақанинг асосий тўрида уч нафар ҳамюртимиз ўз имкониятини синовдан ўтказаётганди.
Улардан Камола Умарова ва Арина Фольц кеча илк давра учрашувидаёқ мағлубият аламини тотиб кўришганди. Умарова россиялик Александра Поспеловага 1:6, 6:7(5), Фольц эса яна бир рус теннисчиси Алина Силичга икки сетда ҳам бир хил 3:6 ҳисобида ютқазиб қўйган эди.
Бугун асосий тўрга саралаш баҳслари орқали етиб келган Албина Хабибулина ҳам мағлубият аламини тотиб кўрди. У биринчи давра учрашувида қозоғистонлик Александра Гринчишинага 58 дақиқа давом этган баҳсда 4:6, 0:6 ҳисобида енгилди.
Ҳавола :
Манба : olamsport.com
Фикрлар