Хабибулина Бельгия турниридаги иккинчи учрашувини ўтказди

“Фьючерс” туркумига кирувчи ушбу мусобақанинг соврин жамғармаси 25 000 АҚШ долларини ташкил қилади. Саралаш баҳслари орқали асосий тўрга етиб келган ҳамюртимиз ҳозиргина иккинчи давра учрашувида кортга чиқди.

Ҳамюртимиз турнирнинг бешинчи ракеткаси, голландиялик Бибиян Шуфсга қарши баҳс олиб борди. Учрашувда тажрибали Шуфс 6:4, 6:3 ҳисобида зафар қучиб, чорак финалга йўлланма олди.

Маълумот учун, Албина Хабибулина биринчи даврада словакиялик Ленка Юриковани мағлубиятга учратган эди.