09 авг 08:20
Янгиликлар
Теннис
Хабибулина Бельгиядаги турнирни ғалаба билан бошлади
Тажрибали теннисчиларимиздан бири Албина Хабибулина Бельгиянинг Коксиде шаҳрида ўтказилаётган турнирда иштирок этяпти.
“Фьючерс” туркумига кирувчи ушбу мусобақанинг соврин жамғармаси 25 000 АҚШ долларини ташкил қилади. Саралаш баҳслари орқали асосий тўрга етиб келган ҳамюртимиз илк даврада ҳам ғалабага эришди.
У словакиялик Ленка Юриковани мағлуб этди. Биринчи сет 6:3 ҳисобида Юрикова фойдасига ҳал бўлди. Иккинчи сетда Албина 6:2 ҳисобида зафар қучди. Учинчи сетнинг тўртинчи геймидан сўнг Ленка баҳсни давом эттира олмаслигини маълум қилди.
Бу пайтга келиб Хабибулина 3:1 ҳисобида олдинга чиқиб олганди. Энди теннисчимиз иккинчи давра учрашувида турнирнинг бешинчи ракеткаси, голландиялик Бибиян Шуфсга қарши кортга чиқади.
Ҳавола :
Манба : olamsport.com
Фикрлар