24 авг 15:52
Янгиликлар

Теннис

Хабибулина чорак финал чиптаси учун кортга чиқди

Тажрибали теннисчимиз Албина Хабибулина Голландиянинг Роттердам шаҳрида ўтказилаётган турнирдаги иккинчи учрашувини ўтказди.

“Фьючерс” туркумига кирувчи ушбу турнирнинг соврин жамғармаси 15 000 долларни ташкил қилади. Хабибулина чорак финал чиптаси учун кечган учрашувда норвегиялик Малене Хелгога қарши кортга чиқди. Икки соату 10 дақиқа давом этган баҳсда Малене 4:6, 6:3, 6:3 ҳисобида зафар қучди.

Эслатиб ўтамиз, кеча ҳамюртимиз асосий тўрнинг илк даврасида турнирнинг бешинчи ракеткаси германиялик Яна Мордергерни 2:6, 6:1, 6:3 ҳисобида мағлубиятга учратган эди.