30 ноя 10:19
Янгиликлар

Теннис

Хабибулина жуфтлик баҳсларида ярим финалга чиқди

Тажрибали теннисчимиз Албина Хабибулина Ҳиндистоннинг Индаур шаҳрида бўлиб ўтаётган мукофот жамғармаси 15 000 АҚШ долларни ташкил қилувчи турнирда иштирок этмоқда.

Жуфтликлар мусобақасида қирғизистонлик Ксения Палкина билан тандем ҳосил қилган Хабибулина турнирнинг биринчи рақамли жуфтлиги сифатида сараланган. Ксения ва Албина иккинчи учрашувда ҳам ғалабага эришишди.

Улар чорак финал баҳсида қозоғистонлик Александра Гринчишина ва ҳиндистонлик Адрижа Бисвас ҳамкорлигини 6:3, 6:2 ҳисобида мағлуб этишди. Хабибулина ва Палкина илк даврада мезбон теннисчилар - Редди/Иска жуфтлигидан 6:0, 6:1 ҳисобида устун келишган эди.