26 авг 11:27
Янгиликлар
Теннис
Хабибулина - Роттердам турнири жуфтлиги чемпиони!
Тажрибали теннисчимиз Албина Хабибулина Голландиянинг Роттердам шаҳрида якунига етиб бораётган турнирнинг жуфтлик баҳслари ғолибига айланди.
“Фьючерс” туркумига кирувчи ушбу турнирнинг соврин жамғармаси 15 000 долларни ташкил қилади. Хабибулина жуфтлик баҳсларида голландиялик дугонаси Стефани Вишер билан бирга ғолибликка эришди.
Албина ва Вишер ҳал қилувчи финал учрашувида турнирнинг биринчи рақамли жуфтлиги - америкалик Кьяр Шоль ҳамда бельгиялик Деборах Керес ҳамкорлигини 7:6(3), 7:5 ҳисобида мағлубиятга учратишди.
Маълумот учун, Хабибулина яккалик мусобақасининг чорак финал чиптаси учун кечган учрашувида норвегиялик Малене Хелгога 6:4, 3:6, 3:6 ҳисобида имкониятни бой бериб қўйган эди.
Ҳавола :
Манба : olamsport.com
Фикрлар