24 авг 10:05
Янгиликлар

Теннис

Хабибулинанинг чорак финал остонасидаги рақибаси маълум

Тажрибали теннисчимиз Албина Хабибулина Голландиянинг Роттердам шаҳрида ўтказилаётган турнирда иштирок этяпти.

“Фьючерс” туркумига кирувчи ушбу турнирнинг соврин жамғармаси 15 000 долларни ташкил қилади. Кеча ҳамюртимиз асосий тўрнинг илк даврасида турнирнинг бешинчи ракеткаси германиялик Яна Мордергерни 2:6, 6:1, 6:3 ҳисобида мағлуб этган эди.

Кечаги баҳслардан сўнг Албинанинг иккинчи босқичдаги рақибаси маълум бўлди. Хабибулина чорак финал чиптаси учун кечадиган учрашувда норвегиялик Малене Хелгога қарши кортга чиқади.