12 мар 08:48
Янгиликлар
Теннис
Хабибулинанинг Ҳиндистон турниридаги рақибаси маълум
Ҳамюртимиз Албина Хабибуллина Ҳиндистоннинг Гвалиор шаҳрида ўтказилаётган теннис турнирининг асосий тўрига йўлланма олди.
Ушбу мусобақанинг соврин жамғармаси 25 000 АҚШ долларини ташкил қилади. Турнирнинг саралаш баҳслари орқали ўз иштирокини бошлаган Хабибулина икки учрашувда ғалаба қозониб, асосий тўрга йўлланма олди.
Саралаш турнирининг биринчи ракеткаси бўлган Албина аввалига ҳиндистонлик Тиртха Искани 6:3, 6:1, кейин эса яна бир корт эгаси Алин Қамар Фархатни 6:1, 6:2 ҳисобида енгди.
Энди у асосий тўрнинг илк учрашувида мусобақанинг бешинчи тартиб рақамли теннисчиси ҳиндистонлик Карман Каур Тандига қарши кортга чиқади. Албина британиялик Фрея Кристи билан бирга жуфтлик баҳсларида ҳам иштирок этади.
Ҳавола :
Манба : olamsport.com
Фикрлар