Хачанов Цинциннати "Мастерс"даги иштирокини бошлади

Дунёнинг 30-ракеткаси бўлиб турган Карен Хачанов мусобақадаги иштирокини ғалаба билан бошлади. Россиялик теннисчи илк даврада ATP рейтингининг 76-поғонасидан жой олиб турган Жанубий Африка Республикаси вакили Кевин Андерсонни мағлуб этди - 6/2, 6/4.

Бир соату 26 дақиқа давом этган баҳсда 25 ёшли Карен учта брейк-пойнтни амалга оширди, 35 яшар Кевин эса 11 та эйс зарбани ижро этди. Теннисчиларнинг ўзаро учрашувларидаги ҳисоб мувозанати тикланди - 1:1. Энди Хачанов Western & Southern Open турнирининг иккинчи даврасида канадалик Феликс Ожега қарши кортга чиқади. Айнан Оже Тошкент Челленжер турнирининг сўнгги ғолиби ҳисобланади.