Хачанов Роттердамда иродали ғалабага эришди

Дунёнинг 28-ракеткаси бўлиб турган Карен Хачанов мусобақанинг илк даврасида иродали ғалабага эришди. Россиялик 25 ёшли теннисчи ATP рейтингида 66-поғонадан жой олган австралиялик Алексей Попиринни 6/7(4), 6/1, 7/6(6) ҳисобида таслим этди. 

Хачанов 2 соату 33 дақиқа давом этган учрашув давомида 5 та эйс, 3 та брейк-пойнт қайд этди. 22 ёшли Попирин эса 10 та эйс зарбасини ижро этди. Теннисчиларнинг ўзаро учрашувларидаги ҳисоб 2:0 кўринишига келди. Энди Карен мусобақанинг иккинчи даврасида британиялик Кэмерон Норрига қарши кортга чиқади.