17 фев 14:22
Янгиликлар

Теннис

Халеп Доха турниридаги иштирокини давом эттира олмайди, Мугуруса курашсиз финалга чиқди

Хабар берганимиздек, шу кунларда Қатар пойтахти Доҳа шаҳрида теннис бўйича ушбу ҳафтага белгиланган энг нуфузли турнир бўлиб ўтмоқда.

Соврин жамғармаси 3 миллион 198 000 доллардан иборат Qatar Open турнирининг чорак финалида дунёнинг иккинчи ракеткаси Симона Халеп америкалик Катрин Беллисни 6:0, 6:4 ҳисобида мағлубиятга учратганди.

Лекин руминиялик теннисчи бугунги ярим финал учрашуви олдидан кортга чиқа олмаслигини маълум қилди. Халеп ўз қарорини жароҳати безовта қилиб қолгани билан изоҳлади. Бунинг натижасида испаниялик Гарбинье Мугуруса курашсиз финалга чиқадиган бўлди.