12 авг 10:04
Янгиликлар

Теннис

Халеп Монреалдаги турнирада финалга чиқди

Канаданинг Монреаль шаҳрида ўтказилаётган теннис бўйича нуфузли WTA турнири ўзининг ҳал қилувчи палласига кирди.

Дунёнинг биринчи рақамли теннис маликаси Симона Халеп Rogers Cup турнирининг финал учрашувига йўл олди. Руминиялик теннисчи 1 соату 10 дақиқа давом этган ярим финалда австралиялик Эшли Бартини 6:4, 6:1 ҳисобида мағлубиятга учратди.

Учрашув давомида Симона битта, дунё рейтингида 16-ўринни эгаллаб турган Барти эса 5та эйс зарбасини амалга оширди. Шу кунгача бу икки теннисчи ўзаро кортда тўқнаш келмаган эди.