10 июн 09:41
Янгиликлар

Теннис

Халеп - Ролан Гаррос-2018 турнири ғолибаси!

Франция пойтахти Париж шаҳрида ўтказилаётган "Катта Дубулға" туркумига кирувчи "Ролан Гаррос" турнири якуни сари яқинлашмоқда.

Бугун эркаклар ўртасидаги мусобақанинг финал учрашуви ўтказилади. Кеча эса аёллар ўртасидаги мусобақа якунланди. Ҳал қилувчи финал учрашувида дунёнинг биринчи ракеткаси руминиялик Симона Халеп WTA рейтингида 10-ўринни эгаллаб турган америкалик Слоан Стивенсга қарши кортга чиқди.

Халеп 2 соату 3 дақиқа давом этган учрашув якунида иродали ғалабага эришди. Биринчи сетни 3:6 ҳисобида бой берган руминиялик мафтункор теннисчи кейинги икки сетни 6:4, 6:1 ҳисобида ўз фойдасига ҳал қилди. Бу Симонанинг "Катта Дубулға" туркумига кирувчи турнирлардаги илк титули эди.