17 фев 11:05
Янгиликлар

Бокс/ММА

Харитонов ва Митрионга 12 сониялик жанг учун ҳам гонорар тўланади

Россия ва АҚШ вакиллари октагондаги 12 сониялик жанг учун белгиланган ва олдиндан ваъда қилинган гонорарни оладиган бўлишди.

Хабарингиз бор, кеча Сергей Харитонов ва Мэтт Митрион ўртасидаги Bellator 215 турниридан ўрин олган марказий жанг биринчи раунднинг 12-сониясида тўхтатилган эди.

АҚШнинг Коннектикут штати Анкасвилл шаҳрида ўтказилган ушбу жангда Митрион рақибининг белдан паст қисмига зарба берган ва бунинг натижасида жанг ўтказилмаган деб топилганди.

Харитоновни октагондан замбилда олиб чиқиб кетишган ва касалхонага олиб боришган эди. Ташкилотчилар шунга қарамай, жангчиларга 12 сониялик баҳс учун гонорар беришга қарор қилишди.