27 май 10:18
Янгиликлар

Бокс/ММА

Холланд жароҳат олди, у 30 май кунги UFC оқшомида октагонга чиқмайди

Хабар берганимиздек, 30 май (Тошкентда 31 май тонги) куни Лас-Вегас (Невада штати, АҚШ) шаҳрида UFC турнири бўлиб ўтади.

Асосий кард жангларидан бири ярим ўрта вазн тоифасида Кевин Холланд ва Даниэль Родригес ўртасида ўтказилиши керак эди. Лекин бу жанг энди ўтказилмайди. Бунга Холланднинг жароҳати сабаб бўлди.

Шунга қарамай, Родригес 30 май кунги турнирда иштирок этади. Промоушен айни пайтда Даниэлга янги рақиб излаяпти. Родригес UFCда битта жанг ўтказган бўлиб, унда Тим Минсни мағлубиятга учратган эди. Кевин Холланд эса лигада 6 та жанг ўтказиб, уларнинг 4 тасида ғалаба қозонганди.