05 окт 11:10
Янгиликлар
Теннис
Хотамова ва Меренкова яккаликдаги иштирокларини тўхтатишди
Қозоғистоннинг Чимкент шаҳрида хотин-қиз теннисчилар ўртасида соврин жамғармаси 10 минг АҚШ долларидан иборат бўлган Shymkent Open турнирининг асосий тўр баҳслари давом этмоқда.
Ушбу мусобақанинг асосий тўрида беш нафар ҳамюртимиз иштирок этаётган эди. Улардан икки нафари яккалик баҳслари билан биринчи даврадаёқ хайрлашди. Полина Меренкова мезбонлар вакили, турнирнинг учинчи ракеткаси Гўзал Айнитдиновага 1:6, 6:4, 2:6, Шаҳноза Хотамова эса россиялик Анна Уколовага 1:6, 2:6 ҳисобида имкониятни бой берди.
Қолган уч нафар теннисчимиз эса рақибларини мағлубиятга учратиб, иккинчи даврага йўл олишди. Турнирда олтинчи рақам остида таснифланган Арина Фолц беларуслик Виктория Мунни 6:0, 6:1, саккизинчи ракетка сифатида қайд этилган Камола Умарова қозоғистонлик Арина Талуенкони 6:1, 7:5, Албина Хабибулина эса беларуслик Лизавета Ханчаровани 6:1, 4:6, 6:1 ҳисобида мағлубиятга учратди.
Ҳавола :
Манба : olamsport.com
Фикрлар