#XotiraUz: ФИФА рефериси Равшан Эрматовдан чорлов!

Хабарингиз бор, «Камолот» ёшлар ижтимоий ҳаракати томонидан 9 май – «Хотира ва қадрлаш» куни муносабати билан «9 май» акциясига старт берилган эди. Айни кунларда мазкур акция жойларда катта шижоат билан ташкил этилмоқда. Бу борада #XotiraUz ҳештегини дунё трендига олиб чиқиш мақсадида юртимизнинг таниқли санъаткорларидан эстафетани спортчиларимиз давом эттирмоқда.

«Буюк хизматлари учун» ордени соҳиби, ФИФА рефериси Равшан Эрматов:

– Боболаримиз бизни озод ва обод Ватанда яшашимиз учун қилган фидойиликларини, мардлик ва жасоратларини ҳеч қачон унутмаймиз. Уларни доим хотирлаб, ёдимизда тутамиз. Шу сабабдан барча ёшларни 9 май — Хотира ва қадрлаш куни муносабати билан ўтказилаётган акцияда фаол бўлишга ҳамда қаҳрамонларимизга бўлган улкан ҳурмат ва эҳтиромни намоён қилишга чорлаб қоламан!

ФИФА рефериси Равшан Эрматов томонидан юборилган чорловга жавобан фотосуратингизни #XotiraUz ҳештеги остида Facebook ижтимоий тармоғига https://www.facebook.com/kamolot.uz/ саҳифасини (@kamolot.uz) белгилаган ҳолда жойлаштириб боринг! Фотосуратлар сони чекланмаган!